سر الحياه

اللهم بلغنا رمضان

2008-09-01T15:08:00.000-07:00

اللهم بلغنا رمضان

لا أجد خيرا من هذا الدعاء واكتفي به لأعبر عن فرحة رمضان نحن في أنتظاره طول العام وفي كل وقت سأكتفي فقط به ولن أكتب اي شئ أخر اللهم بلغنا رمضان.

ليتني رجعت تلميـــــــذاً

2008-05-24T10:24:00.000-07:00

ضحكت كثيراً وندمت كثيراً حين عرفت بموضوع الرقاصه المبجله المحترمه دينـــــــــــــا وقيامها بالرقص لطلبة الثانوي العام.
لقد ضحكت لأن ذلك الموضوع في وسط التكنولوجيا والمباح الذي نعيشه والفضائيات لا يبدو غريباً.
فالأن في عصر الفضائيات والأنترنت أصبح ليس غريبا فهذا شئ قليل عادي لا مهم فهذا أقل بكثير مما نشاهده.
ولكني ندمت ندمت كثيراً أعتقد أنكم تعرفون سبب ندمي وأشعر أن هناك كثير مثلي يودون لو يرجعون طلبه وترقص لنا السيده المحترمه المبجله دينا يا ليتني كنت تلميذاً .
كم واحد منا يود أن يرجع تلميذاً هذا سؤال موجه لكل المدونين ليست ذكور ولكن ذكور وأناث فغداً سوف يأتون برجال السينما الدنجوات أو جانات السينما المصريه للطلبه أنها خدمة توصيل الراقصات والممثلين للمدارس أقصد للطلبه.

wahda mafroussa: هذه المقاله قراتها و اعجبت بها فما رايك؟

2008-04-17T14:44:00.000-07:00

wahda mafroussa: هذه المقاله قراتها و اعجبت بها فما رايك؟

حلو قوي تعليقك يشد عن المقاله برافو عليكي بجد ومدونه هايله

حوار بين مضُرب وضريب

2008-04-08T13:08:00.000-07:00

هذا الحوار دار في عقلي بين المُضرب و الضريب يا تري مين هينتصر

يلا نشوف بيقولو ايه ؟

الضريب: ايه يا عم عملت ايه امبارح ضربت زي ما قلت؟

المضُرب:يا أخي قلتلك اسمها أضربت

يا عم مش هتفرق ما أنا قلتلك أني بضرب كل يومكنت تعال اضرب معايا وخلاص

يا أخي الفاضل أحنا كان لينا هدف من الموضوع دا

وجبتو الهدف

يا أخي سيبني افهمك الله يرضي عليك

طيب قول

أحنا عايزين صوتنا يوصل للحكومه نوصلها رساله نقلها احنا تعبنا زهقنا

ملينا أتخنقنا من كل حاجه من الأوضاع الغلط من الغلاء

يقاطعه قائلاً اه والله دا القرش (يقصد بيه الحشيش كميه منه) بقي بـ مايه وعشرين جنيه

يا أخي الفاضل أحنا نقصد السلع الأساسيه والمنتجات المهمه زي رغيف العيش مثلا

طب يا عم ما هو دا اساسي وبعدين يعني أيه اللي حصل عملتوا ايه ولا حاجه صح

يا أخي احنا لسه مستنين القرار

يا عم بص لا في قرار ولا في اي حاجه هتحصل وبعدين ما حتي الناس اللي عملت اللي بتقول عليه اضراب دا

اهم في النيابة اسال عليهم في نيابة عابدين ولا المحله ومنهم في المستشفي

ماشاء الله ما انت متابع اهو

لا ياعم مش كدا نا سمعت ان في ناس بتضرب

رحت اضرب معاهم لقيته ضرب ع القفا مش الضرب بتاعي

وبعدين أبقي قبلني لو حد سمع وبعدين خد أضرب السيجاره دي معاي هتلاقي الدنيا زي الفل

ولا هتحس باي مشاكل والدنيا تمام ولا هتعوز تنزل من البيت وأبقي سلملي ع الضريبه

لا أله الا الله فعلا مفيش فايده طول ما دول في وسطينا ومش عارف أعمل أيه لا أله الا الله.

وأنتهي بكدا الحوار بس تفتكرو مين صح مين اللي ضرب ومين اللي أضرب

لو كنا كلنا زي بتوع المحله أكيد كنا اتفقنا ووصلنا بس للأسف مفيش فايده.

2008-03-23T12:01:00.000-07:00

سر أخر من اسرار الحياه

بعد أن قمت بكتابة البوست الاول ووجدت نفسي لازلت ابحث عن الحب والقلب ؛وجدت نفسي حائراً ووجدت موضوع يشغل تفكيري

كنت أجلس أشاهد فيلم أصحاب وولا بيزنس من المؤكد ان الكثير منا شاهده ولكن وقفت طويلا اما لقطه هامه كلمة مصطفي قمر (يعني أيه الواحد فجأه يقرر يتخلي عن أحلامه ويتخلي عن مستقبله ويقرر يموت وايه المقابل لدا).

كلمه مهمه قوي بس ليها معني كبير قوي لقيت أن الواحد ممكن يدور علي حب علي قلب؛بس كام مره الواحد دور علي وطن

علي شهاده علي نفسه عشان يموت ويفضل حي في ذاكرة ناس كتير قوي هل هو إنتحار موت شهاده .

أكيد الشهاده دي ليها معني كبير قوي بس في سؤال مهم قوي قوي كام واحد مننا عنده جرأه عشان يفكر يقوم بعمليه استشهاديه؟

حياتك شكلها أيه لو انت واقف ماسك طوبه بتواجه دبابه يعني أيه الجبان راكب دبابه المغتصب وصاحب الحق ماسك طوبه.

مش عارف بس حسيت اني فعلا مش عايش وساكت علي حاجات كتير قوي .

عارفين نفسي في ايه مش مجرد شهاده نفسي امشي في الشارع اصرخ باعلي صوتي أقول عايز حقي

مش حق وخلاص بس حق كل مسلم كل عربي كل واحد فينا كل واحد قلبه بيموت وه قاعد يتفرج علي محرقه وهي المحرقة الشهيرة محرقة غزه .

صدقوني وأعذروني لو كنت بعدت بعيد عن الحب والقلوب التايهه بس أكيد هر جعلها بس حسيت اني لازم اصرخ حتي لو هصرخ وسط ناس قريبه مني بجد تعبت طفل يموت ست تغتصب طفل بيتيتم مش عارف بس تعبت .

نفسي الاقي حد يصرخ معايا تيجوا نصرخ ونقول باعلي صوتنا.

حرااااااااااااااااااااااااااااااااااااااام

سر الحياه

2008-03-17T06:20:00.000-07:00

أهلا بكم في هذه المدونه الصغيره التي اتمني ان تحوذ أعجابكم ولأن عناون المدونه سر الحياه وجدت نفسي يجب اولاً أن أتحدث عن سر الحياه ولكن ليست هو السر الحقيقي ولكن هي مجرد وجهة نظر.
كم مره وأنت جالس وحيداً تفكر وتتسأل ما هو سر الحياه ؟ كم أجابه وردت إلي ذهنك ؟ ولكن هل وجدت الجواب؟ تجد نفسك تقول ان سر الحياه هو الماء معك وأقتنع بكلامك تجد نفسك تقول هو الهواء معك وأقانع بكلامك وتجد أخر يقول هو الطعام وأنا لست معاك .
وجدت نفسي ابخث عن سر خفي وجدت أمامي الحــــــــب ولكن هل هو سر الحياه ؟ لا أعلاف لماذا وجدت هذا ولكن ليش الحب ذاته هو الحب أن الحب في نظر كثير من البشر كلمه عابره هل تستطيع أن تسأل نفسك كم مره قلت هذه الكلمه ستجد انك من الممكن ان تكون قلتها كثيراً ولكن كم مره كانت من قلبك . هل تعرف أن من أصعب الكلمات التي من الممكن أن تقولها هي كلمة بحبك ؟ ولكن وبعد الحب ما هو الحب ؟ هل تعرف شئ عنه ؟ ولكن الحب الحقيقي هو سر الحياه وما أصعب وجوده أن تشعر بالأمان مع هذا الحب أن تتغير بمفعول سر هذا الحب أن تتغير وتكون أنسان أخر هل مر بك كل ذلك ؟ هل شعرت بالأمان مع من تحب ؟ هل شعر هو معك بالأمان ؟ عندما تجد كل هذا وكل هذا الحب . وقتها أعلم انك وجدت سر الحياه.