ضحكت كثيراً وندمت كثيراً حين عرفت بموضوع الرقاصه المبجله المحترمه دينـــــــــــــا وقيامها بالرقص لطلبة الثانوي العام.
لقد ضحكت لأن ذلك الموضوع في وسط التكنولوجيا والمباح الذي نعيشه والفضائيات لا يبدو غريباً.
فالأن في عصر الفضائيات والأنترنت أصبح ليس غريبا فهذا شئ قليل عادي لا مهم فهذا أقل بكثير مما نشاهده.
ولكني ندمت ندمت كثيراً أعتقد أنكم تعرفون سبب ندمي وأشعر أن هناك كثير مثلي يودون لو يرجعون طلبه وترقص لنا السيده المحترمه المبجله دينا يا ليتني كنت تلميذاً .
كم واحد منا يود أن يرجع تلميذاً هذا سؤال موجه لكل المدونين ليست ذكور ولكن ذكور وأناث فغداً سوف يأتون برجال السينما الدنجوات أو جانات السينما المصريه للطلبه أنها خدمة توصيل الراقصات والممثلين للمدارس أقصد للطلبه.
السبت، 24 مايو 2008
ليتني رجعت تلميـــــــذاً
مرسلة بواسطة واحد بيدور علي قلبه في 10:24 ص
الاشتراك في:
تعليقات الرسالة (Atom)
29 أجمل ناس:
سيدى ياسيدى على التعليم هذا هوالتعليم ولا بلاش كتنا نيلة فى حظنا الهباب
تحياتى
يا سلام على التعليم وجماله حاجة تفتح النفس للمذاكرة ....هو ده التطور ولا بلاش!
امال احنا على ايمانا التعليم كان ماله .. ابلة سلوى اللى حاطة لنا النضارة فوق مناخيرها وكلامها اللى كله سم بدن لدرجة ان الجميع كان بيتمنى انها تفضل ساكتة على طول
ونهاية السنة المدير يقول كلمة فى طابور الصباح وخلاص على كدا
ياريتنى كنت لسه فى ثانوى
امال يعنى على ايامنا كانوا بيجيبوا ساحر شكله تعبان
تقدر تقول ساحر فاشل
او حاوى وحالق دقنه
احنا اتعلمنا غلط يا جدعان
ولا كليات قمه ولا نيله
انا عاوز ارجع ثانوى
ال تعليم ال
شيلاه يا تربيه
تحياتى
رئيسة حزب الاحلام
----------------
اه والله حظ هباب بس يا ريت لو التعليم كدا اهو نرجع حتي نحضر حفله.
gannah
-------
بذمتك لو التعليم كان كدا كنتي خلصتي وبعدين في التطور الطبيعي للحاجه السقعه اعلان كله رقص ودا التطور الطبيعي للتعليم برضه كله رقص.
desert cat
------------
معلش انتي كان عندك ابله سلوي وانا كان عندي ابله محاسن وبرضه كان نفس الكلام تقريبا كان هو دا المقرر.
momken
--------
ما هو دا برضه سحر بس سحر من نوع خاص نوع السحر بتاع العيون او الجسد مسمعتوش عنه اهو كله بيسحر.
عيني علينا
حسرة علينا
ده احنا شوفنا ايام سودا
والله يااخوية انا ماكنش تاعبني غير ميس الرسم اللي كانت بتقعدنا ساعتين فى عز الشمس ادام شجر ميت قال ايه قال بنتأمل !!
ولما تحن علينا وتطلعنا نفرغ المكبوت الدماغى ع الورق كانت بتشغلنا بيت نوفل .. هي كانت ست فنانة بس صراحة فنها ده كان متعب شويتين
اما بخصوص تينا لا يااخوية احنا مدرستنا ماتدخلهاش الخلاعة هههههههه
انا افتكر العيال بتوع المدرسة كان ممكن يغتالوها وهي على باب المدرسة اصل احنا كنا مدرسة متطرفة .. ده احنا اللي اصدرنا فتوى تحريم تحية العلم هههههههه .. و جم يعملوا تحية العلم ولا واحدة ردت قاموا عقوبنا باننا نفضل طول اليوم فى الشمس وماطلعناش فصول تذنيب ست ساعات فى الشمس
حسبي الله ونعم الوكيل
أنا سمعت عن التطور الطبيعى للحاجة الساقعة .. بس التطور الغير طبيعى للتعليم ده أول مرة بصراحة أسمع عنه
دينا ..دينا مرة واحدة .. ودى بقى كانت بتدخل فصل فصل ..ولا كله على بعضة كده فى الفسحة
عمار يا مصر
انت عارف ان دينا دى ليها اعمال جليلة عملتها
منها اللى اتعرف ومنها اللى هى نفسها مش عاوزاه يتعرف من باب دارى على شمعتك تقيد
جتنا نيلة فى حظنا الهباب
هههههههههههههه
والله حرام عليك
عايز ترجع تلميذ عشان المقرفة دى
أمال لو كانت حد عدل كنت عملت ايه ؟؟
على فكرة اسمحلى يعنى ألفت نظرك ان الصورة دى مش حلوة وهتاخد بسببها ذنوب كبيرة وكتيررررررررررررررر بعدد زوار مدونتك
ربنا يكفينا شرهم " الفنانين يعنى "
دمت بخير اخى
والله انا اما سمعت الموضوع دا ف التليفزيون
قولت دى كارثه والله دا احنا داخلين على ايام مايعلم بيها الا ربنا
ربنا يستر علينا
احييك عالبوست الهايل
واتمنى تنورنى
miss.sosa
تخيلي انتوا اصدرتو فتوي تحريم العلم شفتي بقي هما دلوقتي بيعملو ايه لا هما اشد وبعدين سمعيني يلام علي واحده ونص وخمسه
maiosha
يااااااااااااااااه انتي لسه عند فيروز والتطور الطبيعي لا دلوقتي في حاجات كتير وبعدين فصل فصل ايه هي فاضيه دول شروه واحده وبعدين برا المدرسه حاجه اسمهاعقبال عندك كدا بروم وبتبقي في فندق يعني خدمه خمس نجوم.
خواطر رئيس شاب
اه طبعا دي دينا صاحبة سيرة اعمال في الخفاء مع السيد طبعا عارفين اسمه بلاش اقول يالا خليها عليا سعدتني زيارتك الاولي عندي اتمني تكرارها.
sally
بصي يا سالي مش هرجع تلميذ سواء كانت مقرفه او لا هي المشكله في المبداء نفسه اننا عندنا راقصه جوا المدرسه حاجه فل يعني مع انها حاجه مقرفه انا يمكن بتريق لازم تفهمي انها تريقه.وشرفتيني يا سالي.
بنت مصريه
هي كارثه بحق دي مصيبه انتي متخيله ان واحد عنده 18 سنه لسه في مرحلة المراهقه قدامه دينا هيعمل ايه؟
بيعلموا إيه بالضبط؟؟
هي برضه مش كان اسمها وزاره التربيه والتعليم؟؟
حسبنا الله ونعم الوكيل
دمت بكل الخير
salwa
كان اسمها كدا يا سلوي علي ايامنا دلوقتي خلاص لا بقي في تربيه ولا تعليم.
تحياتي لوزارة اللاتربية واللاتعليم
انا لما قريت الخبر في اخبار الحوادث صدمت وصعقت ولما فقت من الصدمة ضحكت علي تعليق قالته دينا في الصحيفة:
والله الولاد كانوا في غاية الاحترام
مش عارفة هي كانت فاكراهم هيعملوا ايه , تقريبا نسيت انهم في مدرسة مش في ملهي ليلي
بس اللوم مش ليها هي اللوم للعقل الشيطاني اللي دبر لمهزلة زي دي انها تحصل
بس بعيدا عن كل دا:
هو انت كنت عايز ترجع تلميذ ليه بقيييييييييييي؟؟؟!! :)
لا حول ولا قوة الا بالله
ربنا يهدينا ويهديهم
ملحوظة:
مش ممكن تغير الصورة
تحياتي لك
النهاردة عيد ميلادى تعالو على مدونتى وسمعونى احلى هابى بيرث داى تو يووووووووو
على فكرة اللى حصل ده اكبر مساندة لطلاب ثناوية عامة
الناس حست بالطلبة فقالوا يفرفشوهم
والوزارة لقت الناس بتشتكى وتقول مفيش نشاطات فى المدارس قاموا عملوا اكبر نشاط اجتماعى ممكن يحصل فى اى مدرسة
ده احنا سبقنا الاجانب فى موضوع الرقاصة ده
تحياتى
انا حقيقى لما سمعت و قريت الموضوع ده اندهشت كثيراً على قمة التكنولوجيا اللى و صلنا ليها اليومين دول و قد ايه هيبقى علينا مسئولية كبيرة اوى فى تربية اولادنا فى المستقبل فى ظل التكنولوجيا الفظيعة اللى احنا فيها دى هههههههه
طيب اية المشكلة
اذا كان ابائهم بيشفوهاا
حرام الاطفال يشوفها اعتبرها نوع من التوعية او حتى الحلم بالغد
مش احنا برضة اللى عاملنا دينا وغيرها واحنا اللى بنروح نتفرج على افلامها فيها اية لما تجى هلى لحد الشباب
والله حاجة تكسف
لا حول ولا قوة الا بالله
هنقول ايه
ويلكم تو ايجيبت ..:D
تعليم اخر زمن
اقول اية بس
اقوم انا و مجموعه من المدونين بعمل حملة لانقاذ اطفال الشوارع
التفاصيل هنا
http://awraqwasrar.blogspot.com/
نرجو اشتراك الجميع
إرسال تعليق